潮流興懷舊，有網友前日在高登討論區提出「最希望電視台重播嘅經典卡通片」後，引起熱烈討論，網友踴躍提名高達、肥牛牛布斯、大鐵人28FX、四驅兄弟、聖鬥士星矢、IQ博士、蠟筆小新、男兒當入樽、龍珠、蜘蛛俠、城市獵人等等。結果，男兒當入樽及星仔走天涯最多網友懷念。
亞視浪費卡通片
對於網民老坑提到星仔走天涯，月影說：「年齡有番咁上下先會識呢套！」但囂民卻說：「都唔係呀，壞鬼亞視成日重播，連我都識。」老坑又說：「我睇嗰陣都十年前，讀緊幼稚園，日日都追呢套。」月影續稱：「80年代尾睇過重播，嗰時真係好細個。」有網友指亞視有時也買好的卡通片，如蠟筆小新就很收得，但卻沒有播放下去，「ATV成日都浪費晒啲卡通片㗎啦，卡通片嘅下場一係就勁改時間，改到唔知去晒邊，一係就有頭無尾咁！」