「見住佢會俾啲蟲食晒啲肉都救佢唔到，真係好傷心㗎！」充滿愛心的女網友小靜，近日在高登討論區稱，她一直在油塘的政府荒廢用地餵飼的一隻流浪狗，其耳朵被咬傷了，原本約一厘米的傷口，近日迅速擴大到像一包煙那麼大，還發炎、潰爛，並發出陣陣臭味。小靜擔心傷口惡化會令小狗失救致死，因而向網友緊急求救。
小靜說：「我已經聯絡咗愛護動物協會啲職員㗎喇，佢哋都冇辦法捉到狗狗，不過佢同我講，拎到返去九成九都係人道毀滅，同埋佢話要挑晒啲蟲出嚟先得，挑剩一條都唔得㗎！佢言下之意，即係叫我搵個獸醫，但係呢隻有啲怕人嘅狗狗都唔會跟我去，有錢都冇辦法，何況我冇錢！我只係一個學生。請問有冇獸醫肯義診同埋義載狗狗？十萬個感激。」
B頭佬建議「傷口有蛆蟲的話，你可以試吓用火酒溝蒸餾水抹吓傷口，清咗啲膿。」但YCS則坦言「你隻狗無得救㗎啦，好老實。通常係啲烏蠅產嘅幼蟲，一定要帶去睇醫生除蟲，之後仲要好好打理傷口，但好多case啲蟲入晒肉入晒骨，到第二次翻發已經救唔番，雖然衰啲，但我都要講，你唔好嘥心機啦！」