人多擠迫的地方，除了色狼猖獗外，鼠竊狗偷亦非常活躍！最近便有醒目網民在金鐘懷疑遭扒手跟蹤，伺機偷竊，他隨即挺身「踢爆」對方，同時向附近的保安員求助，豈料保安員卻說：「唔關我事！」最後讓懷疑扒手施施然離去。
緊貼身後
網民九龍咖啡仔在香港討論區以「金鐘扒手」為題，講述他經歷。「4月4日中午約一時，我喺海富中心經天橋行緊去統一中心，當時我手上拎住幾百蚊，想去恒生度入錢嘅時候，突然間身後面有個男人跟住我，距離只得約5至10厘米，我即刻轉身問佢乜嘢事，點知佢一路講粗口一路行去統一中心度想鬆人，我跟住佢去到統一中心度想叫個保安幫手截停佢時，個保安竟然話唔關佢事。」
九龍咖啡仔慨歎由於對方尚未「落手」，他「冇證冇據」，所以沒有報警，惟有到網上提醒網友小心。據他形容該名懷疑扒手是中年男子，戴黃色眼鏡，着灰色外套及背着黃色袋。網民kwankwan25說：「我都試過夜晚有變態佬跟我尾，佢拎住部手機想偷影我裙底，但我又係冇證據，真係冇計㗎！」