呢幾日家姐同姐夫冷戰，只不過係為咗同囝囝買成人裝牙膏，抑或兒童裝就嘈咗一餐；咁都好嘈，我呢個和事老即刻打電話畀香港醫院藥劑師學會藥物資源中心啲老友，問吓買乜嘢裝好。
過多氟恒齒易變色
老友話，買牙膏好有學問；牙膏有氟化物係人都知，可以防止蛀牙，包裝上會列明氟化鈉（SodiumFluoride）或氟化亞錫（StannousFluoride）等成份。
細路仔應該使用氟化物含量較低嘅牙膏，揀一啲含量「500ppmF」最適合小童，以免吸收過多氟化物，令新長出嚟嘅恒齒出現啡黃或白色的氟斑（Fluorosis）；成人用嘅牙膏氟含量達「1500ppmF」。
逢周一至周四刊出