中央台炮轟特區旅遊業，經已大見成效，特區清明黃金周，零售生意額暴插五成，十三億人民發出抵制港貨嘅民族怒吼，仲要追討損失㖭！
諗諗又係喎！南京大屠殺加慰安婦，祖國人民如膽敢向日本政府追討賠償，即是破壞中日關係，毫不顧全大局，監都有得你坐，呢，走落來香港追討賠償，有中央台做後盾，就唔怕嘞，大癲大肺，任嘈唔嬲，所謂外鬥外行，內鬥內行，面對蘭州追星癡，劉華啱啱先至頭痕緊，今次仲唔輪到特府有難？
據業界傳出搞到咁大鑊，當初係有D本地旅遊業人士，不滿一D舖頭出售名牌仿製品Lam得太盡，於是走上北京篤背脊，中方先至指示中央台做嘢！
篤背脊人士，做咗港奸之後，估唔到變咗一竹篙打盡一船人，大陸D民憤，一旦開閘，唔係人咁品，正所謂寧得罪君子，莫得罪刁民，港奸勾結外部勢力，危害港人利益，全港旅遊消費，終於攬住冚家鏟嘞！