歐聯已經成為歐洲豪門生死關鍵，好似AC米蘭如果未能獲得聯賽前4或歐聯冠軍，未來幾年有排煩，因為「細哨」等唔願來之餘，亦影響財政收入。前日贏安玻里3:1，代隊長加度素暗示「細哨」係贏波動力。
AC前晚擊敗安玻里，少打1場下落後第4位嘅巴勒莫1分，好大機會獲得來季歐聯外圍賽參賽資格。加度素賽後就講明，歐聯資格係隊友比賽嘅動力，有咩意外，唔好話買唔到大牌球星，分分鐘連現有球星都留唔住。
講番今季歐聯8強次回合，AC米蘭周三作客拜仁慕尼黑賽前，將先吃對手一記悶棍，點解？原來AC米蘭件波衫印住個歐洲賭博公司名，而拜仁所在嘅巴伐利亞州有法例禁止有關廣告，所以除非佢哋用布遮住，否則將被罰款近10萬歐元（約100萬港元）。
作客拜仁波衫遭留難
據講，AC米蘭會方已向巴伐利亞州政府提出抗議，不過我求大俠覺得事件可望得到解決，因為佢哋舊年9月作客法國里爾亦受到留難，最後經歐洲足協等多方交涉後，最終都唔使喺件衫度打格仔，今次都應該冇問題卦！