歐協盃第2回合熱刺對西維爾，經過上場球迷搞事後，兼熱刺輸1:2，今返主場小弟認為熱刺一定可以開出主勝！
睇番上周末嘅車路士對熱刺，擺到明兩隊都留力。前者，我嘅愛隊車仔要作客華倫，呢場波冇乜心機踢，而熱刺輸埋，我亦唔覺得意外，正所謂揀波踢，球員留力定係去馬，一睇就知道！
熱刺已有1個作客入球，只須小勝西維爾1:0就ok，小弟喺呢度已經不下數次大讚熱刺隊波前中後3線，簡直係一流球隊！
相信廣大嘅球迷一定好關心曼聯，其實大家冇必要擔心，返到主場同樣好似熱刺咁，有1個作客入球；而曼聯主場嘅威力，我相信好多球隊去到奧脫福都會感受到！只要朗尼、基斯坦奴朗拿度、傑斯發揮正常，小勝羅馬冇難度！反觀AC同車路士嘅情況就好危險，AC輸咗兩個作客入球俾拜仁，今次實死得；而愛隊車仔作客華倫，一隊前中後都咁好嘅西甲隊，車路士憑乜嘢贏波？準備點樣攞英超同英足盃好過！歐聯還是等下一季再嚟過啦！
周鵬商業1台《球迷集中贏》主持
電郵：[email protected]