王喜（右）噚日喺金鐘環球嘉年華嘅明星足球隊義賣攤位客串做售賣員，咁啱呂良偉一家三口嚟玩。阿呂見到王喜，即刻走埋同佢打招呼，王喜當然要阿呂做吓善事，佢囝囝揀咗把玩具槍後，佢老婆就捐咗200蚊。王喜話：「明星足球隊搞義賣攤位，我雖然唔係佢哋嘅成員，但志偉係我朋友，佢叫到幫手，我咪嚟做義工囉！」