濱崎步前晚在紅館舉行的演唱會雖然被指咪嘴，但不少藝人和觀眾看後均讚不絕口。
羅傑承：燈光好正，太太（梁芷珊）話最鍾意佢兩秒落台嗰一幕，佢大讚好精采，其實佢唱歌同跳舞都好睇，製作非常好。
陳苑淇：好好睇，個舞台好華麗，成個騷都好有娛樂性，我最鍾意佢着件羽毛衫，好似森巴舞女郎，好值得去睇。
日本歌迷Sumiko：我和朋友專程從日本飛來香港欣賞濱崎步個唱，兩星期前我也到台灣欣賞她的表演，感覺香港會場比台北巨蛋場館還要小，不過氣氛很好。
鄭先生：我畀個騷80分，衫靚氣氛好，佢唱功又唔錯，不過十字架嗰幕真係同麥當娜嘅演出差唔多，雖然個騷好睇，但係睇一次就夠。
