東京簡直係香港人旅行Shopping朝聖地！跟團？似隻鴨仔走馬看花；自由行？隨時變咗聾啞先生！不過𠵱家帶部PSP就完全搞掂！唔係叫你打機亁磨時間，新出《東京TravelRobot》，至Update東京互動旅遊指南，除教你捐窿捐罅吃喝玩！最勁連Shopping講價、訂位點菜等日文繙譯都做埋，萬一出事佢仲識叫「救命」，你話救唔救命吖？
記者：許福合
攝影：楊錦文
ImageGirl：Vivian
鳴謝：修士吧（23177308）
睇住Movie去「潮」聖
對於自由行玩家，碟片中潮流名店同至Update當紅食肆資料好實用，基本資料如地址、電話、乘搭交通工具全部足料，輕易可「按」圖索騏；記者曾以涉谷現時當紅的地道日本料理店─「囗囗囗囗」作測試，除基本資料正確無誤，竟然連店內聞名嘅炸黑豚都講得出，簡直係東京通。至於「潮」聖名店介紹，竟然方便到有Movie現場直擊，真係可以睇啱先至玩！如果都係嫌頭痛，內裏還有多段行程推介，喜愛美食或瘋狂掃貨都照顧得到。
睇住Movie去「潮」聖
對於自由行玩家，碟片中潮流名店同至Update當紅食肆資料好實用，基本資料如地址、電話、乘搭交通工具全部足料，輕易可「按」圖索騏；記者曾以涉谷現時當紅的地道日本料理店─「[!82A9][!82DC][!82A7][!82C0]」作測試，除基本資料正確無誤，竟然連店內聞名嘅炸黑豚都講得出，簡直係東京通。至於「潮」聖名店介紹，竟然方便到有Movie現場直擊，真係可以睇啱先至玩！如果都係嫌頭痛，內裏還有多段行程推介，喜愛美食或瘋狂掃貨都照顧得到。
買衫搵食日文例句
同日本人好難溝通！日文唔係個個識講，同佢講英文又馬上變快閃黨；PSP新出《東京TravelRobot》就係睇中呢點，加入「即學日文」功能；你學唔學得識我唔知，不過日常日文對話，好似去餐廳點菜嘅魚生、壽司，去Shopping時常用嘅講價、問尺寸、選顏色等，都有「好易通」人聲發音日文例句，只要扭大Volume、隊埋侍應、售貨員耳邊就搞掂。不過記者精選推介，係「一般對話」中問人識唔識中文或英文（識就唔使你啦！），想識街邊陌生人「媾」通吓，不失為一個開場搞笑爛Gag！
真．日本人實測
國籍：日本
通曉語言：日文、英文
訪港：1星期
Miki：好驚訝PSP可以咁玩法！日本嗰邊都未有類似PSP軟件；購物同飲食字句都幾實用（不過可能要加啲手語動作搭夠先掂）；發音好正，地道日本人一定明，一支公揸PSP去玩東京應該冇問題！不過實用句中竟然有「救命！」，真係好搞笑！
互動資料庫
對於東京旅遊新手，《TravelRobot》都好照顧；由簽證、天氣、有用電話、東京酒店價錢分類，以至退稅手續都全部有齊；不過記者認為最實用係個蜘蛛網一樣嘅東京鐵路路線圖，於PSP上操作，店舖景點資料都可一Click在地圖放大，相比起傳統旅遊書左搵右摷，實用方便好多。另外仲有最常用貨幣兌換機，只要輸入兌換率，Shopping時就可立即計番港紙，唔怕入咗貴貨！
查詢：SONY（23452966）