呢期啲環保車（尤其係Hybrid混能車）咁Hit，除咗搞到佢哋好好賣之外，仲有好多Fans都想知佢嘅運作情況係點㖭！所以，Toyota代理就特別向廠方借咗部Prius透視模型嚟香港，等班車迷可以知道呢類車喺起步、正常行車、加速或停車嗰陣，引擎同電馬達係點樣獨立、交替或同時運作。家陣部透視模型就喺Toyota灣仔Showroom展出，有興趣嘅Fans可以去睇睇喎！
另外，佢哋又引入咗為數20部嘅限量版純黑Camry抵港，車子不論內外都係全黑色，加埋電鍍門柄同鬼面罩，個Look真係Cool到你唔信，同時備有2.4公升及3.5公升版本供用家選擇，而售價則由$216,360起。
查詢：皇冠汽車（28661020）
悠穎馳：豪邁不羈，愛車如命，聽幾下引擎聲就知咩車！