羅馬「王子」托廸寫得多，但近期接觸最多一定係藥油「王子」。那排山倒海式嘅宣傳攻勢、那首唱到街知巷聞嘅廣告歌，令藍鑽石天旋地轉，真係要幫襯買番樽藥油頂住。呢鋪藥油「王子」得逞啦。
不過，最令藍鑽石天旋地轉都係拉素呢隊波，死唔斷氣起勢贏，雖然我想繼續追其對家，但今晚對手墨西拿太唔似樣，咪同荷包作對，寧願忍手等下一場。
放心，藍鑽石嘅宗旨猶在，方向仲會對準拉素。
講番今晚重槌心水係迎擊阿斯科利嘅費倫天拿，東尼、梅度會復任正選，就算有巴拉斯、柏斯哥同丹尼利停賽，仍然可贏包尾嘅阿斯科利兩球。紫百合主場會繼續幽雅。
讓球主客和：費倫天拿勝[-1]
心得：費倫力爭上游未變過
藍鑽石
愛意大利波、去意國渡蜜月、囡囡與簡拿華路同日生日。