唐寧昨日到荃灣出席商場活動，大派復活蛋。最近她有份演出的劇集《亂世佳人》反應不俗，更帶挈有登台機會。由於近日不用拍劇，故唐寧報讀一個動物傳心術課程，更因為撞期忍痛推卻工作，她說：「呢個課程主要係教大家點樣同自己嘅寵物溝通增進感情，我屋企有四隻狗，我都想同佢哋多啲了解！」