韓劇《朱蒙》男主角宋一國噚日喺首爾明洞區搞咗個fans聚會，有130名影迷參加。佢哋「進貢」咗成座山嘅禮物畀宋一國，包括紅酒同寫上佢中文名嘅日本傳統燈籠。有位來自夏威夷嘅中女fans，見到偶像仲即時好似《喜劇之王》入面嘅張栢芝一樣夾住偶像，認真狼死。宋一國話拍完《朱蒙》後去咗北韓平壤同美國旅遊散心，之後佢就會投入9月新劇《Angel》嘅拍攝。