發生工潮的鹽田國際,是港商最常使用的貨運碼頭之一,中小型企業國際投資交流協進會會長趙志雄稱,昨日早上收到受影響會員來電訴苦,指貨物正從東莞到鹽田國際往外地,擔心貨物未能如期上船。趙說:「如趕唔到船期,貨主損失慘重。希望碼頭可以照落貨,慢啲都唔好停晒,勞資雙方慢慢再傾。」
趙志雄透露,鹽田國際近年多次調高收費,目前收2,000多元處理一個貨櫃,仍較本港便宜近五成:「但香港始終有地理和通訊優勢,好多南太平洋島登記嘅船入唔到內地,鹽田只有價錢平吸引。」趙呼籲勞資雙方盡快解決工潮,否則迫使港商不經鹽田港走貨。
貨櫃運輸業職工總會副主席謝浪認為如罷工事件未解決,估計今或明天的中港貨櫃運輸業會受影響:「通常有啲貨已簽咗約要經鹽田走,除非好緊急,否則即日趕唔切轉番嚟香港走,如果工潮持續,相信一至兩日,啲貨會慢慢經陸路轉番落嚟!」