雖然建滔積層板（1888）公布06年度業績升咗51.93%，但股價始終唔爭氣，周三長假前收市報7.57元，換言之仍未浮上水面。散戶Pompas喺《香港討論區》發表「見高即沉」《決裂書》，難過分手，網友2007330rsm則扮即沉板回應。
人人絕望 佢就翻身
樂樂贊同沽貨止蝕：「如果有其他正股賣咗去買番，分分鐘賺回來。」tomastim反對：「唔忍都忍咗4個月，半年嘅收貨期都唔等得？嚟緊7蚊邊入番一轉差唔多，呢隻睇好！」枝村匠馬就認為：「當好多人都絕望嘅時候，佢就會翻身㗎啦。」
至於積層板點解成日欲升乏力，牛頭角順嬸有一番命理論：「唔怕生錯命，最怕改壞名。」polytechnic_m_K作了句順口溜：「見高即沉板，輸到眼坦坦。」高梵冷語：「上正架鐵達尼號。」
http://www11.discuss.com.hk/viewthread.php?tid=3843198&extra=page%3D1
《決裂書》
「見高即沉板先生：
你好，陪伴你已經4個多月，現在，不得不離開你。自問玩了5年股票，從未對一隻股完全失望，始終有升亦有跌，因為這很正常。但惟獨1888，你好厲害，我第一轉係$9.5買你，你竟然跌至$8.5，算吧，我仍然對你有期望，於是溝貨繼續靜靜地等。誰不知，大市升，你跌，大市跌，你直插，ohmygod！好多股票在777大跌市後回升了，但你好像不爭氣地繼續沉淪，為甚麼？現在，你公布完業績了，恒指又上二萬點了，你仍舊在招股價中浮沉，我在$7.4時沽了你，對不起，我想，可能在有生之年，你都不能再返回9蚊的了。」
《回應》
「致：股仔
初時大家對我熱情如火，情人有如天上繁星，有人送錢，有人送金，最後我都選擇了你，現在我年華老去，你才離開我。我撫心自問，已全力工作，來報答你對我的真金，可惜你對我的期望實在過高。你這樣絕情的走，我也不作一聲強留……」