時間：01年4月8日
地點：深圳
人物：趙世曾
經過
被喻為城中鑽石王老五嘅趙世曾，唔單止追女仔叻，佢嘅身手同功夫底子原來一樣咁叻！趙世曾今年雖然已經成70歲，但依然有心有力，經常見佢拖女四圍蒲。不過，講到佢最威風嘅事迹，唔係佢身邊換過幾多個女伴，而係01年嗰陣，佢一拖二帶住兩個靚女去深圳消遣嘅時候，空手入白刃擊退三個匪徒，呢件事，真係仲威過佢一拖二風流快活。
跳河逃生
話說當日趙世曾一拖二喺深圳一間飯店食完飯之後，突然俾三個持刀嘅蒙面匪徒強行拉上的士，搶走趙世曾手上價值10萬蚊嘅鑽石錶同4千幾蚊人民幣，班匪徒搜掠一番之後竟然意猶未盡，諗住綁架趙世曾勒索一大筆。趙世曾不甘班匪徒貪得無厭，於是喺的士度發難，憑佢練開西洋拳同空手道黑帶嘅底子同身手，嚟一招空手入白刃同幾個匪徒肉搏，跟住趁機會帶埋兩個女仔逃離的士跳河逃生。
當年趙世曾一個打三個嗰陣已經64歲，咁後生嗰陣，豈不是仲威猛，分分鐘勁過李小龍？佢啲功夫咁勁，又難怪咁多女仔咁冧佢啦！
本欄逢周一至周六刊出