應考公開試是莘莘學子人生大事，在這生死關頭，有人埋頭苦幹，但也有人色心起。網民軒祖竟對一名鄰座女考生日久生情，在網上寫情書，希望網民幫手提供線索，好讓他尋覓芳蹤。「我好驚以後都唔會再見到佢，個女仔叫choiwingyee，F7，九龍區㗎！有冇人識佢呀？」
應屆高考生軒祖近日一直在九龍迦密中學應考，他說：「考咗四日，我亦留意咗佢四日，佢雖然唔係好靚嘅女仔，但佢嗰種冷若冰霜嘅感覺，令我好深刻。」不過，直至考試結束，怕羞仔軒祖卻一直未敢鼓起勇氣認識對方。「我淨係知個女仔原來叫做choiwingyee，今日都唔敢問佢攞MSN（網上通訊工具），覺得係一種遺憾。」於是軒祖決定到網上尋求網友協助。
不過，卻有網民批評軒祖，勸他前途要緊，暫時放下兒女私情吧，「考試都掛住望女仔。」也有網民批評軒祖作為男生太膽小，「如果仲有緣見嘅，你就真係要大膽啲啦！」網民kml_0418亦說：「直接講咪幾好，搞到又要喺網上搵人。」