日本偶像組合SMAP成員香取慎吾早排飛咗去韓國，拍攝節目《SmaSTATION》，又同當地新晉演員崔慈慧做咗個訪問。香取走去韓劇《大長今》主題公園時，穿上古代官服扮成閔大人，仲擺出個多愁善感樣，搞到崔慈慧只能以笑相對。聽講香取今次韓國之行都有去到《冬日戀曲》嘅拍攝場地，相信佢喺嗰度都會發揮搞笑本色，戴埋假髮扮吓深情嘅裴勇俊。