已婚的王晶，52歲，肥頭耷耳，好樣靚仔當然冇份，但歷年跟他傳緋聞的晶女郎名單，由邱淑貞、李麗珍、張慧儀、林熙蕾、舒淇至關秀媚和陳法蓉等，個個樣靚身材正。這又說明媾女不一定靚仔大晒，有能者均可居之，王晶的「能」，在於他可以捧晶女郎，打造她成為惹火尤物。
「唔會叻過成龍」
開門見山，問王晶和晶女郎有沒有景轟？他只說：「私人嘢我唔想喺度講，有同冇，都係唔講好過講，估更有宣傳價值，我唔怕人哋挑戰我嘅道德觀念，係怕挑戰我嘅審美觀念啫，哈哈。」面對一眾靚女在戲中煙視媚行，打死不信王晶不心動，他也不怕你講：「邊個話唔會，係講大話，我handle得好好嘅。」
請問王晶如何handle呢？他笑說：「成龍話佢犯咗天下男人都犯嘅錯，我肯定唔會叻過成龍。一個女人發覺自己個男人有啲行為令佢唔滿意，但係咪少少唔滿意就放棄其他滿意呢？係一把秤。如果男人一無可取，個女人走咗九世啦！任何一對夫婦，相處時間耐咗，係要互相包容，都要畀對方空間。」