近排我做咗阿拉丁神燈，推介幾場波都開對家，搞到身邊嘅人怨聲載道；好彩呢幾日係復活節，希望可以乘勢反彈啦！
上個禮拜同大家推介德國同日本波，今次轉轉口味玩英國波。阿仙奴喺歐聯出局後衰到𠵱家，上場作客利物浦慘敗1:4，今勻對尾2嘅韋斯咸，博佢哋同我一齊從谷底反彈。
記得上屆阿仙奴喺高貝利輸俾韋斯咸2:3，𠵱家個球場轉咗阿聯酋，夠「吉士」可博阿仙奴贏3:2。今屆阿仙奴未開個呢個波膽，但凡事總有第1次，話唔定就喺呢場。
波膽：阿仙奴勝3:2
金句：博阿仙奴同我一齊反底
青蛙仔
型人一名，細細個就睇英國、德國波，大個就攻日本波。