前陣子參加了一個幼稚園的運動會，忽然發現原來人類本身，其實天生就是好動一族，只是人大了，就越來越不願郁而已。
有人說當今時代小朋友越來越活躍，坐唔安企唔定，原因是時代進步下營養豐富了，於是精力特別充沛；其實小朋友本身就是愛玩一族，只是我們長大後忘記了，或故意忘記了。
話說那個運動會，在天寒地凍兼落雨的環境下進行，但環境並沒有影響小朋友，爬地的爬地、跑步的跑步、畫面的畫面；基本上小朋友是每一樣可以玩的都要玩，直至玩到筋疲力盡、直到夠鐘、直到父母親倦透……
人大了怕輸唔比賽
小朋友無論男女，其實體能都差不多，亦分別都有天生的好勝心，眼看着他們一個個在起點起步、到你追我逐、到勝出的大呼小叫或落敗的呼天搶地，原來細細個，我們就已經自願投入人間每一場大大小小的比賽中。
比賽勝負是重要，所以人大了就不想比賽，因為怕輸；小朋友呢，不會退縮，因為比賽的原意，就是玩餐飽。
馬啓仁
越講越有味道，堅持「鎚仔」先正路的講波佬。