上周四開夜放工返到屋企，無聊手痕買咗歐協盃雲達不來梅平手盤，點知睇到50分鐘已經好後悔，想收番個本都願。不來梅完全唔係波，高路斯同曉高艾美達形同虛設，淨係靠廸亞高同芬寧斯可以hold到幾秒波，其餘成日大腳清去無人地帶，成班波out晒form。
雖然我推咗兩場西甲都好有信心，不過更有心水嘅係紐倫堡作客不來「霉」開到「客勝」。畢傑都係前鋒出身，好明幾場冇波入信心硬係差啲，如果高路斯今晚死都要出，紐倫堡守得住一啲都唔奇。
讓球主客和：紐倫堡勝[+1]
心得：高路斯缺態，買雲達周身債
畢傑
畢傑愛肥仔，所以最愛朗拿度；但更愛賭波，不倒翁最似我。