現年86歲的賭王何鴻燊肛門生瘡，出院後在三姨太陳婉珍家中休養，他昨日得知大批記者在大宅外守候，特意出門口做訪問。穿着睡褲及紅色晨褸的賭王面色及精神甚佳，由護士及兩名保鑣陪伴現身。
不用坐水泡
賭王說：「我出嚟見吓你哋，證明我喺屋企休養，幾好。今日假期，你哋放心去玩啦。」他透露傷口癒合情況良好，可以不坐水泡，近日如常進食田雞飯和三文魚等，惟獨不敢食生魚，他說：「醫生話『阿何，你樣樣唔使戒口，食生魚就唔好喇，埋口一嚿嚿，仲難搞。』」
賭王續說：「喺屋企休息開心啲，養和好悶，又撞正裝修，由朝到晚聽啲音樂唔停。」問他二姨太藍瓊纓為何不回港探望他？他說：「佢自己身體都唔係太好，佢已經好關心我，打好多電話嚟問。」此外，專程由澳洲返港的三姨太兒子何猷啓，更拿外褸給父親披上，以防他着涼。
採訪：顏英儀
攝影：娛樂突發組