香港人究竟是打不死，還是死不悔改？
金融風暴、911、沙士……回歸10年，香港歷經一次次慘痛的天災人禍，幾乎衰到貼地。股市、樓市大跌，多少人一日間家財盡散，甚至走上燒炭跳樓的絕境；大閘蟹、負資產比比皆是。在地產界打滾24年，隨市場波浪大起大跌的郭昶眼中，十年回歸，正驗證了香港精神︰「我是典型的香港人，輸得起，打不死，香港精神。經歷過九七，我哋呢啲死剩嘅都係精英。」 記者:唐朝雯
1983年，郭昶港大經濟系畢業，聽到房地產行業好賺，於是入行。97年，是香港人最風光的時候，亦是他人生的最高峯，住1,300呎的渣甸山道豪宅，有三個工人、四架車、八個物業。當年百利好公司上市他成為董事，10月底為公司投地，每舉一次手上落500萬元。
「今日輸保時捷，聽日搵番法拉利」
「嗰時日日睇住手頭上嘅股票價位升，九七前香港係容易搵錢嘅地方，股票、地產，啲錢真係好容易搵，一日百幾萬好容易搵到。我嗰時成日同周邊嘅人講︰『今日輸咗保時捷，唔緊要，聽日搵番法拉利囉』，真係咁，好快，一個半晝就搵番嚟了。當時使錢雖未至揮金如土，但基本上唔使諗。」
不久，亞洲金融風暴橫掃而來，未知死的郭昶還以為「最多兩三個月咪又翻身」，誰知手頭股票由1.4元跌至4毫，最後更跌到只有7仙，身家暴跌只剩二十分之一。這時他才恍然大悟，原來一切都只是紙上富貴。
工人、房車縮至只有一個、一輛，物業不見了三間，郭昶說這些都可以接受，但痛失渣甸山道豪宅卻是人生最大的遺憾︰「我已經好好彩，當時咁多人跳樓，我都守得住，但03年沙士一到實在頂唔到。我賣出去後45天，對方以高出125萬元嘅價錢賣出去，今日呢，市值1,250萬。就差兩個月，區、樓，我都揀啱咗，但無命等到今日。」
他說要怨只能怨天災人禍，沙士是天災，拉登與特區政府則是人禍︰「董建華領導班子反應好慢，乜都慢過人，令到香港人做得好辛苦。沙士，香港死嘅人最多，傷盡香港人嘅心。」最後要中央出手救港。
「只要一息尚存，就一定會搵番嚟」
今日坐在中原（工商舖）董事總經理座位上，掌管1.6萬名員工，落地玻璃外是新舊樓宇交錯的旺角。三年前他在樓市谷底，決定再賭一次，入市買樓，結果三年間升至近千萬元。由三年前的人生谷底重返高峯，他笑說，10年來一直不願回首過去︰「就算今日被迫要講當年，我會同自己講，我失去嘅明天我一定會拿回來，只要我一息尚存、只要香港仲有明天，我就一定會搵番嚟。」
香港土生土長的他，看好大陸未來發展，三年前用了30多萬元，在中山雅居樂買了一層樓，作日後退休養老之用︰「大把香港人都好似我咁，準備退休後喺內地住，生活質素、空氣都好過香港。萬一有起乜事，我都有瓦遮頭呀。」
10年來，面對香港在自由行、CEPA等措施下，經濟不斷向內地傾斜，郭昶認為香港人更應發揮出拼搏的打不死精神，以找回自己的優勢。
回歸10年倒數85日
