星爺喺《少林足球》有句名句「如果人冇理想，同條鹹魚有咩分別？」紐卡素而家就正式冇理想冇目標，今次梗係捧呢條鹹魚對家，平手盤撐錫菲聯。
紐卡素足協盃出局，又不愁降班，未來幾場聯賽等同風流波，領隊路達用咩口吻，叫到麾下班少爺兵搏命呢？相反今場對手錫菲聯，絕對需要搶分護級。話晒呢支紅白軍主場有保證，贏過熱刺、和過愛華頓，打足15場主場只不過輸4場，輸波率只得27%；今次開出平手盤，梗係支持錫菲聯，博紐卡素連輸3場都好。
讓球：錫菲聯（平手）
心得：紐卡素漫無目的，點阻錫菲聯？
牽牛
精通各種賭法，發覺賭「讓球」先係王道，每日一棍希望有得發。