司馬燕及馬詩慧昨日齊齊帶同兒子到屯門市廣場出席「廸士尼米奇妙妙屋」活動，司馬燕表示活動後便要趕往機場，她說：「我哋飛去上海過復活節，等佢哋可以學好啲普通話，因為平時溝通都係用英語多。」問司馬燕可有為入圍香港電影金像獎最佳男配角的吳澋滔再接電影時，她說：「因為上次電影《父子》劇本好好，咁我都想再揀更好嘅劇本先拍，𠵱家都有拍吓廣告。」
笑老公幫倒忙
馬詩慧則表示細女要應付升中考試，近日忙於為她溫習，問她復活假期可會帶同子女出埠時，馬詩慧說：「唔會！日日都要同佢哋溫書，個細女又要考試，個仔都要測驗，屋企好似補習社咁。」問老公王敏德可有幫忙時，馬詩慧說：「佢只會越幫越忙，佢只係負責娛樂部部長。」
採訪、攝影：王崇穎