日本型佬阿部寬主演嘅奇幻古裝新片《大帝之劍》噚日喺當地開畫，阿部寬特別率領兩位女角長谷川京子、黑木美沙同導演堤幸彥一齊到戲院造勢。片中一人分飾外星人同公主兩個角色嘅長谷川，話拍攝時應導演要求將把聲壓低講對白，點知到電影正式上映時，原來佢把聲係經過特別處理。導演只好即刻向佢賠罪，先至令長谷川順番啖氣。