若錢唔多只使得起幾萬蚊，有冇諗過將土炮鑲鑽，自製閃爆手機、MP3機呢？尖沙嘴河內道有個「寶石商場」，有多間專幫人鑲鑽石、寶石店舖，你可以拎心水用品鑲個夠本。例如將寶石鑲嵌在首飾、筆等物品上，等自己可以虛榮吓。
據場內「金利來」負責人William表示，1卡鑽石一般被切割成100粒（即每粒1份），售價由$2,000至$3,000不等，視乎鑽石質素而定，鑲嵌價則以每粒計算，每粒大約$3至$4，計計數，若買一卡鑽石鑲在手機上，成本約$3,400，比起過百萬Gadgets，實惠好多！心郁郁想幫手機鑲石？Sorry，因為鑽石只可以鑲在白金、18K金等上，所以你要花錢為部手機、MP3機「打」個白金或18K金殼，否則咪諗啦！
記者：區佩嫦