八鄉奪命車禍肇事貨車甫駛出油站即出事，香港汽車工業學會副會長李耀培表示，本港部份油站出口設有「魚眼鏡」，方便司機觀察路面情況，但他認為鏡子只是輔助，司機不應依賴看鏡，否則容易出事，「始終小路出大路，司機必須停喺路口，望清楚有冇車嚟緊，先至決定出唔出。路口通常好多『失魂魚』，所以要特別小心」！李耀培稱，在大路行駛的司機如行經油站，應小心出口有車駛出，不宜開得太快。至於肇事私家車險撞爆貨車油缸，李指大部份貨車底部裝有圍欄，但法例並無明文規定必須裝置，「貨車底本身冇乜裝置保護，裝圍欄可以保護外來物件捲入車底，唔係防撞作用，不過今次意外嚟講，如果架貨車有裝圍欄，私家車撞唔到入車底，相信會撞得冇咁嚴重」。