蛋一向係「實力派」食物，炒、蒸、煎、烚，無論邊種煮法，好味就得，大家只知其內在美，卻往往忽略其上尖下圓嘅獨特線條美；查實蛋也可以扮靚靚做「偶像派」。一如女人，俾人讚賢良淑德雖然開心，但點都想人欣賞埋佢美麗嘅外表㗎嘛。
記者：劉嘉蕙
攝影：伍慶泉
Model：Wing@TheGroup
一年一度復活節，銅鑼灣時代廣場食通天call齊16間食肆推出蛋菜式應節，全面呈現蛋嘅外在美同內在美。今次食蛋嘉年華中西泰日口味俱全，雞蛋、鴨蛋、鵪鶉蛋輪流出場，煎炒煮炸任人舞，賞心悅目，好看又美味！
1.清萊三味田園蛋$82
驟眼看來是雀巢墊住鵪鶉蛋，其實鋪底的是炸芥蘭絲、炸雜菌和木瓜絲。炸過的雜菌吃起來像天婦羅。主角鵪鶉蛋也稍為炸香，帶椒鹽味，蘸以泰式甜酸醬食用，開胃香口，不知不覺掃清一個雀巢。
2.和尚戴帽（跟薄餅或叉子燒餅）$56
經典京菜換上以素菜食材──粉絲、冬菇絲、木耳絲等，上鋪蛋皮，形似和尚帽。以北京填鴨常用之京醬伴吃，平價菜式做出矜貴味道。
3.冷三色海鮮蛋$88
冷盤漂亮得似裝飾品，實是不同餡料的蒸蛋。最後一個是海膽蒸蛋，上鋪晶瑩剔透之蜆肉啫喱；中間是蟹肉蒸蛋配蟹子；最前是皮蛋搭蜆肉蒸蛋。叫人盡情享受蒸蛋和啫喱縱橫交錯的獨有口感。
4.花旦$88
開張以來噱頭多多嘅梁山泊玩諧音，整咗幾個「花旦」以饗食客。蛋殼內的是南瓜茸、奶和蛋做的甜品，又甜又軟似布甸。復活節期間餐廳仲搞「買雞送蛋」推廣，食客點指定雞菜式就送花旦一客。
5.海鮮復活蛋沙律$75
這是意式沙律，內容有鮮蝦配黑魚子醬、香草三文魚同芒果蟹肉鮮蝦沙律，清淡鮮味，宜作開胃菜。
6.翡翠石榴棵$128
石榴棵原為潮式酒席菜，做法繁複，今次難得可獨立品嚐。黃色蛋皮包住雞肉、蝦、冬菇等，用名為干飄嘅日本蘿蔔亁紮起，淋上蟹肉玻璃芡，層次豐富。
7.快婿溏心蛋$20
此菜式有故事由來，話說古時泰國一對男女相愛，但女方家人大力阻撓，男主角日夜鑽研溏心蛋菜式，以美食證明誠意，終於抱得美人歸。師傅說故事中的溏心蛋秘方早已失傳，如今創出新口味，將蛋煮至兩成熟才炸，上面撒滿亁紅葱，再淋上泰式沙律常用嘅酸辣汁。建議男仔帶女仔嚟食，當示愛菜都得呀！
8.魚子醬燻蛋$60
先是超濃烈的煙熏味，然後咬到蛋白的煙韌，加上魚子醬吊起淡淡的蛋味。做這個菜好考功夫，先煮後浸冰水再煙熏，時間操控要十分準確。
以下餐廳均在銅鑼灣時代廣場食通天
1.藍納泰（11樓，25063303）
供應期：1/4至15/4
2.金滿庭（10樓，25062525）
3.山葵（13樓，25060009）
4.梁山泊（12樓，31020088）
5.鰲（12樓，25063282）
供應期：5/4至9/4
6.鴻星海鮮酒家（10樓，26280886）
供應期：1/4-30/4
7.心。泰（11樓，25061212）
供應期：1/4-30/4
8.滬江飯店（13樓，25061018）
供應期：4月至5月