講到英格蘭球壇長青樹，大家一定先諗起舒寧咸；查實38歲嘅前鋒雲達斯都唔差，今季由英甲巴拉福特外借到英冠侯城，個人「升級」後越戰越勇，踢12場波入7球，上場對修安聯仲連中三元！據講侯城準備喺今個夏天買斷佢，而且唔會簽1年咁少，即係話雲達斯肯嘅話，可以喺侯城踢波超過40歲，努力總算有回報。