PCOnline遊戲邊隻最Hit？最多人玩？首數當然係《魔獸世界》，據官方資料，現時全球有超過850萬名魔獸玩家，而繁體中文版雖然伺服器設於台灣，不過香港仍然有大量魔獸Fans，日前《魔獸世界》就推出最新資料《燃燒的遠征》，我哋就去網吧睇過，魔獸迷對新資料片睇法。
記者：許福合
攝影：陳偉強
Model：Vivian、孝
鳴謝：戰略領域（24083618）
血精靈最受歡迎
今次改版雖然內容顯著，不過值得一讚係開機相當順暢，官方未天光就閂Server做更新，但玩家中午前已經可以成功登入遊戲，唔似其他網上遊戲，每次改版就不斷延遲又狂斷線！
今次新改版反應唔錯！一開機，大部份玩家都走去創立新血精靈角色；《魔獸》角色一直被唔少玩家評為「醜」，血精靈就係擺明用「美色」吸引玩家，所以搞到血精靈出生地迫爆人；有玩家甚至因為無怪打而被迫出走，去其他部落嘅地頭打怪，可想而知情況有幾墟冚。
新種族新版圖
講番玩家最關心內容，新資料片係以附加形式，喺原有《魔獸世界》加入新內容，玩家仍然分為聯盟同部落兩大陣營；最高等級亦由原先60級提升至70級，不過港台存有大量練功魔人，封頂人物相信唔使幾耐就會出現。而隨着新資料片推出，相信會吸引唔少從未接觸過《魔獸》嘅玩家參戰；因為資料片新增的血精靈及德萊尼種族，會令唔少舊有玩家重練新角色，新手加入亦唔怕無人陪啦！
魔人心聲
網址： http://www.wowtaiwan.com.tw/