潮流興養貓，尤其是現今單身貴族，工作繁忙無時間，想有寵物陪伴自己又怕煩，養貓係一個唔錯的選擇。不過養貓咪唔同娶老婆，如果你摸唔清貓咪的性格就收養，當發現性格不合時又提出分手，會令貓咪變成無主孤魂。為免發生以上慘況，話定你知各類貓咪的性格如何，再由兩位分別養家貓及名種貓的貓主分享心得，睇清楚先好講「我願意」呀！
記者：黃若茵
攝影：林栢鈞、伍慶泉
愛佢獨立熱情
JosaProfile
養貓年資：2年
貓咪數量：2隻
Josa分別養有2隻美國捲耳貓洋咪咪（2歲）和得過6屆CFAChampion的古古（5歲）。Josa覺得名種貓的性格易於觸摸，而且這種看上去帶點呆滯的美國捲耳貓，竟然十分好動熱情，經常玩到半空翻騰。「我揀佢哋養，正睇中佢哋有狗隻般嘅熱情，同時又有貓嘅亁淨獨立。」為了加強牠們的性格，Josa會訓練貓兒的膽子，好似洋咪咪怕車聲，Josa便錄下數段車聲播給洋咪咪聽，又或請朋友到家裏玩，最後令洋咪咪不再怕車聲和陌生人。
現代人怕寂寞不想負責
「因為我想養囗物，但又唔想太煩，貓就夠獨立，即使我經常要工作陪唔到佢哋，都唔怕佢哋唔開心。」為了怕愛貓寂寞，Josa會自製玩具給牠們，最別致的是廚房窗外的雀巢，放點食物便可引雀仔到窗外，讓貓咪觀望鳥兒，為牠們找尋樂趣。
對於越來越多年輕人養貓，Josa認為：「現代人想養囗物但又唔想負太大責任，熱情獨立嘅貓絕對係最佳嘅伴侶。」
欣賞佢有性格有原則
郭小姐Profile
養貓年資：12年
貓咪數量：6隻
於04年開設「貓館Cafe」的郭小姐，除了家中養有1隻家貓外，更於店中多養了5隻家貓，分別是大家姐Tiger（4歲）、純情MeMe和摩摩（各3歲）、細膽的Pancake（2歲）及最惡最黐身的Cookie（1歲）。其實郭小姐從未刻意揀養家貓或名種貓，只是剛巧養的都是家貓。她覺得每隻貓都有自己獨特的性格，如Cookie較嗲，經常要得到主人注意；Pancake則抗拒被抱。
膽小又好奇
講到養貓原因，原來跟郭小姐自身的性格有關：「即使你係主人，貓都唔會一開始就對你熱情，更唔會你想點佢哋就點，我好欣賞佢哋咁有性格有原則。另外，佢哋好獨立，可以自己照顧自己，好似我咁成間Cafe都係自己一手一腳搞掂晒！」
點解要養貓？
葉翠翠：「家貓有性格又好玩；名種貓就任你搓圓㩒扁都得。」
Stephanie：「貓唔會好似狗成日黐住咁煩，而且比狗亁淨。」
Yin：「易打理又會嗲人，高竇得來有性格。」
貓格分裂
如果你有養貓，一定會被貓的神態動靜所吸引，因為有時佢哋會乖乖的伏在你懷中，馴如羔羊；有時呆望遠方，如懷春少女般滿腔心事；當有獵物走過時，又會發揮原始獸性狂追狂抓，令你懷疑跟自己相處的貓是否有多重性格分裂。
人貓配對
香港貓迷會會長盧先生解釋，家貓是自由繁殖，所以難有特定性格。相反，名種貓多為人工繁殖性格突出易見。今次盧先生揀了6種較多香港人養的貓作出分析，讓不同性格嘅人都可以從中揀到啱自己嘅愛貓。
BritishShorthair
英國短毛貓
個性：十分馴服、服從主人、智慧較高
啱key主人：喜歡貓隻嗲及黐身的人
AmericanCurl
美國捲耳貓
個性：愛玩、好動、需要主人注意
啱key主人：精力充沛及愛跟貓玩的人
Exotic
異國短毛貓
個性：服從性高、愛主人，不活躍、無耐性
啱key主人：喜歡貓咪依賴自己及有耐性的人
Persian
波斯貓
個性：服從性高，極需人照料，屬靜態貓
啱key主人：細心及有耐性的人
ScottishFold
蘇格蘭摺耳貓
個性：耐性及好動程度較低、獨立
啱key主人：有耐性及較文靜的人
Siamese
暹羅貓
個性：極好動、叫聲響、較難跟小朋友相處
啱key主人：獨居及主動熱情的人
養貓基本須知
1.要常為貓兒梳毛，否則貓兒吞下毛後會導致消化功能紊亂。可餵貓兒進食幫助排泄毛團的食物。
2.每星期或每兩星期為貓兒剪指甲，以免指甲過長弄損手掌。
3.要常清理貓廁所，因貓兒感覺不亁淨時便會另找自認為「合適」地方解決。
4.須在家中放磨爪器，因磨爪動作可穩定貓兒情緒。
5.貓糧應放在固定地方。
6.應用牙刷或濕布捲着手指替貓刷牙，以避免出現牙石。
學懂貓咪 身體語言
耳朵：一般跟聲音方向轉動，發惡時會向後，叫牠時會微微一動以示回應。
尾巴：開心時直指向天，發惡時會垂低，如抱起牠時尾巴轉圈代表不耐煩，備戰狀態時會豎直並聳起貓毛。
聲音：發出咕咕聲代表開心滿足。
肚腩：打側卧或朝天露出肚腩即代表信任及滿足。
鬚：放鬆時向兩邊伸展，警覺時便會伸向前。
