賭王何鴻燊因便秘灌腸內傷，入住養和醫院多日，也有傳他入院驗腸癌，加上幾房子女不斷進出醫院探望，令人擔心賭王健康。
「好似生仔咁痛」
但賭王昨晚由二房千金何超鳳及三姨太陳婉珍陪同下於養和醫院開記招，澄清驗腸癌的不利新聞：「本人呢幾日滯口，得了全世界最邋遢嘅病，係乜乜生瘡無眼睇嘅病。本來都冇事，喺曼谷住文華有傷風，食咗傷風藥便秘，去咗當地醫院，我不嬲都有護士隨行，去到當地醫院見到佢哋用雪水，真係一個好慘教訓，好貴，佢哋都唔搽藥油，一隊入去叫救命，死吓死吓，之後就發炎生瘡，返到香港入院，自己好少入醫院睇醫生。」
賭王續說：「入到嚟開完一刀，冇眼睇，個刀好近肛門，每次開大，都要洗傷口，平日每次開大兩次，入咗醫院緊張啲就要開三次，啲護士笑言好似生仔咁痛，瘦咗成磅。」
記者問賭王連日是否睡得好？他說：「我覺得睡眠好重要，晚晚瞓八粒鐘，瞓得好精神好。」
唔會追究窮人
三姨太在醫院過夜，衣不解帶照顧賭王，不知何鴻燊會否獎勵她？他說：「我有分數㗎啦。」又問賭王會否追究泰國護士？他則說：「嗰邊啲人窮到燶，我諗佢都唔想。」
昨晚賭王到君悅酒店出席活動，本應要唱大戲《游龍戲鳳》，但因他剛出院，故改播帶及打招呼，賭王說：「我練定《游龍戲鳳》，同一個15歲好靚嘅女仔一齊唱歌，可惜第一把聲唔夠壯，驚太太仔女唔鍾意，所以諗咗折衷方法，98年我喺TVB唱過呢首歌，今晚會播出嚟，去到只係打招呼。」
採訪：吳天慧、顏英儀
攝影：娛樂突發組
