陳錦鴻（左）噚日接受商台電話訪問，透露太太杜雯惠（右）嘅預產期喺下月2號，仲講笑話今胎應該係仔。BB未出世，陳錦鴻已經念佛經進行胎教，為𠱁老婆開心，仲日日喺佢面前唱歌跳舞，又親手煲靚湯，真係一等一好老公。陳錦鴻仲話早前投資開設嘅酒家上個月因為業主狂加租而結業，佢已經將酒樓頂咗畀人，仲攞番唔少㖭。