陳凱歌將開拍新戲《梅蘭芳》，男主角人選傳咗幾個，噚日又有消息話陳曉東（圖）會簽約內地經理人王京花嘅橙天經紀公司，而呢間公司有份投資《梅》片，喺王京花穿針引線下，陳曉東去咗試鏡演梅蘭芳，劇組方面對佢嘅造型好滿意，𠵱家雙方進入斟洽階段。其實陳凱歌會將梅蘭芳分老中青三個階段拍，而黎明都已經落實演出，應該會演中年梅蘭芳。