上周小弟推介多蒙特對家，結果比勒費爾德波盤齊贏，連同戰友畢傑推介桑坦德亦都搞掂，總算同支持者有個交代，希望繼續長中長有啦。
切爾達讓半球太多
西甲有隊切爾達，越輸越有之下，與塔拉戈納並列成為黑盤王。講真以切爾達人腳，好似拜安奴、加布加西亞、安祖盧比斯等級數，就算打唔到前6名，點都起碼夠中游浮沉啦。點知一睇排名，真係嚇死人，切爾達只排17位，距離降班線只得1分！猶記得03/04球季，切爾達分心歐聯搞到最後降班；今季角逐歐協盃，唔係咁邪又係來季西乙見啩？
維爾瓦今周主場對切爾達，亞洲盤開到主隊讓半球，嘩！以一支升班馬讓到咁狠，有冇搞錯？大家可能仍然有切爾達作客特勁嘅印象，不過呢啲已經係季初嘅事，切爾達近6場作客只贏過奧沙辛拿咁大把，其餘全部輸晒，盤路亦只得1贏1走4輸。維爾瓦主場真係超勁，近4場贏足3場，手下敗將更有馬德里體育會，輸4蛋俾巴塞隆拿真係冇話可說，維爾瓦仍有爭來季歐洲賽機會，今場點會放手？主W捧得過。
文：牽牛