今年起新禁煙條例實施後，煙民要走到街上吸煙，但始終有人冥頑不靈，堅持在禁煙地帶吞雲吐霧，非煙民與煙民衝突事件時有所聞，近日有人「目擊」鬍鬚阿叔怒打肥佬煙鏟火爆場面，並拍下過程上載YouTube，由於片段戲情突兀，網民質疑是造假。
片段由TommyLam上載，從短片可見一名留鬚四眼阿叔在茶餐廳歎茶，搭枱的肥佬在抽煙，鬍鬚阿叔直斥其非，召夥計上前投訴：「𠵱家餐廳唔畀食煙㗎。」肥佬懶理還反唇相譏：「你理得我啫，鍾意咪坐耐啲，唔鍾意咪走開囉！」
夥計勸喻肥佬不果，鬍鬚阿叔用水淋熄肥佬的煙頭，肥佬竟大模廝樣再點煙，還站起來俯身向着鬍鬚阿叔噴煙，鬍鬚阿叔不甘受辱，並隨即還擊，邊摑肥佬邊說：「你唔好食呀！你唔好食呀！你唔好食呀！知唔知呀！」夥計上前拉開鬍鬚阿叔，肥佬沒有還手，只顧按着跌下的假髮並反罵「黐線」！不少網友認為短片很過癮，也有人質疑是假嘢，「看來有點假，不過做得幾好。」
