薛凱琪（Fiona）與方大同昨日到旺角朗豪坊出席復活節活動，除現場獻唱外又與歌迷玩遊戲，吸引大批趁假期首天逛街的途人圍觀。對於有指兩人早前結伴欣賞周國賢的bandshow前到餐廳撐枱腳，Fiona回應說：「我哋係約埋食完嘢就去睇周國賢個show，如果真係拍拖都唔會咁高調啦。」
籲歌迷送朱古力
Fiona提到近日因fans所送的禮物而有新構思，她說：「好多fans送禮畀我都好鍾意，曾經有fans送過千幾蚊嘅首飾畀我，又有人送過電結他，不過打算叫佢哋淨係送朱古力，咁我哋儲埋之後就可以捐去畀有需要嘅小朋友。」問到有否與同是喜歡做善事的緋聞男友房祖名討論時，Fiona說：「都有傾，不過多數係講吓各自去探訪嘅經驗囉。」
採訪、攝影：藍文浩