我個朋友之達，喺啱啱嗰個星期二先同大家詳細介紹咗Toyota呢10年嘅奮鬥史，同埋點樣榮登一哥寶座，我呢個Fans睇得不知幾開心。
哈，點知跟住下晝就收到風，話Lexus嗰款旗艦車系LS460，最近又做咗一哥喎！聽到呢個消息之後我諗咗好耐，LS車系已經齊料得咁緊要，尤其係L版，連按摩椅同用嚟調節冷氣嘅紅外線體溫感應器都有埋，機械配搭就有全球首創嘅8前速+/-半自動波，要做一哥有幾難？
到最後，我終於知道LS車系憑咩可以喺香港做一哥啦；原來係佢自從喺去年10月推出後，由11月至今年2月期間，喺豪華汽車市場上連續4個月累積銷量冠軍。最平嗰部都要賣$1,113,000，咁貴都可賣到做一哥，你話巴唔巴閉？
悠穎馳
豪邁不羈，愛車如命，聽幾下引擎聲就知咩車！