【本報訊】華懋小甜甜龔如心的打扮算不上緊貼潮流，可是頭上束上兩條粗大辮子，再配搭身上的誇張服飾，即時凸顯了其別樹一幟的風格。龔如心的打扮雖有違傳統女強人的整齊套裝，但由於她的標奇立異充份展露出鮮明形象，故令人印象難忘。
感覺似豁出去
對於龔如心的獨特形象，時裝設計師鄧達智大讚夠絕。他昨日說：「佢嘅打扮，尤其喺丈夫（王德輝）唔喺度之後開始好特別，俾人留下一個豁出去嘅感覺，我個人就覺得好鮮明，令人留下深刻印象。」鄧達智最欣賞龔如心的兩條粗孖辮，與波點服裝可謂絕配。
鄧達智指出：「佢年紀都已經唔細，又擁有一定嘅社會地位，佢咁獨特嘅打扮，顯然已經唔介意外間嘅眼光，又或者佢後生時根本冇試過呢啲打扮，加上早婚成為一位富商太太，到回復番自由身，佢咪可以着番自己style嘅衫。」
形象設計師張學潤也非常認同龔如心的形象擁有個人風格，他昨日說：「如果淨係睇佢嘅外表，我真係估唔到佢已經一把年紀，或者佢真係保養得好好。」對於龔如心的粗孖辮形象，張學潤表示十分鮮明，大家一看即可識別她是華懋小甜甜，並為坊間帶來不少話題。
欣賞佢夠創意
龔如心的形象，與一貫的女強人形象分別甚大，但張學潤不貶反讚，他表示：「一般女強人形象應該要平實啲，不過我好欣賞佢嘅打扮好夠創意，為公司樹立鮮明形象，對比好多紳商名流嘅太太，成日淨係識着套裝，其實好冇品味，兼夾好悶。龔如心標奇立異嘅裝扮，好有自己個人風格。」