𠵱家搵食真係艱難，中小型球會都慳住荷包，表現平平嘅球員有得續約已經萬幸；今季喺保頓已經冇咗正選位嘅前鋒柏達臣，難得球會都肯同佢續約，點知呢位丹麥前鋒近日唔生性、衰多口，批評「老細」艾拿廸斯唔夠級數教英超球隊，令球隊成績平平；結果球會嬲嬲哋唔同佢續約住，所以老人家成日話，禍從口出，真係有道理。