無綫05年播出由汪明荃、黃宗澤和胡杏兒主演的劇集《我的野蠻奶奶》時，最高收視有約250萬觀眾捧場，成績彪炳，故無綫食髓知味，敲定今年6月開拍時裝版。據知黃宗澤原本因趕拍另一長劇未能抽身，無綫遂臨時拉伕搵馬國明，但「奶奶」發揮野蠻本色，堅持保黃棄馬，要原班人馬上陣，阿姐更直言：「拍得續集就梗係搵番原本嘅卡士好啲啦！」
無綫頻頻開拍電視劇續集，郭晉安和宣萱主演的03年古裝劇《戇夫成龍》，當年播出最高收視有298萬觀眾收看，極之威水，05年還魂開拍《戇》劇時裝版續集《阿旺新傳》同樣掂，最高收視達282萬觀眾捧場。所謂橋唔怕舊，至緊要受，無綫一直對由汪明荃、黃宗澤和胡杏兒主演、收視高企的05年古裝劇《我的野蠻奶奶》虎視耽耽，據悉近日無綫已拍板6月開拍《我》劇續集，情況與《戇》劇一樣，由原班人馬上陣，但背景就由古裝變時裝。
阿仔心甜
「緋聞當賣點」
《我》劇前年播出時，結局篇平均收視達35點（229萬觀眾），最高收視38點（250萬觀眾），成為同年最高收視的無綫製作，阿姐更奪台慶最佳女主角大獎，至於飾演阿仔「不留人」的黃宗澤和「鐵嘴雞新抱」胡杏兒，除了事業更上一層樓外，緋聞也熱炒至今。
據可靠消息指出，無綫食髓知味開拍20集《我》劇時裝版，不過在斟洽初期，基於黃宗澤要趕拍80集長劇《珠光寶氣》，無綫擬邀馬國明頂替，但阿姐上次與黃宗澤合作擦火花，認為開拍續集應起用原班人馬，以求原汁原味，結果在阿姐堅持下，《珠》劇會先跳拍其他演員戲份，騰出黃宗澤演出《我》劇時裝版。
在阿姐力保下，黃宗澤終有機再度演出，馬國明卻被犧牲，昨日記者致電阿姐時，她在電話中說：「係會拍續集，唔知角色點，你問監製。」問她是否堅持黃宗澤演出？她說：「佢有份拍呀，拍得續集就梗係搵番原本嘅卡士好啲啦！」馬國明則說：「我知開續集，但冇聽過搵我拍。」問他會否覺得可惜？他說：「每個劇拍唔到都可惜，其他不願置評。」
至於黃宗澤回應說：「我聽過會拍呢套劇，詳情唔知，馬國明同原班人馬拍又唔同嘅，但舊班底合作會有默契。」對於有傳阿姐指定他演出，他笑說：「咁要多謝阿姐咁錫我。」他揚言不擔心與胡杏兒再傳緋聞，他說：「到𠵱家大家對我哋嘅緋聞仲記憶猶新，當sellingpoint。」
自嘲卒仔
「擔心冇新意」
新抱仔胡杏兒也說：「我有聽過會拍，但未落實，原班人馬拍都好開心，拍時裝版有新鮮感。」有指無綫視此劇為收視武器，她打趣說：「唔覺，乜武器呀？我卒仔嚟咋。」提到傳馬國明被飛，她說：「作為專業演員，同邊個都配合到，公司安排同邊個演員合作都冇所謂，我反而擔心觀眾覺得冇新意，會緊張呢樣嘢多過緋聞。」製作部戲劇分部助理總監梁家樹透露《我》劇時裝版仍以奶奶孭飛，不過對於阿姐是否堅持黃宗澤主演，他說：「阿姐冇咁同我提過。」
採訪：林妃
