【本報訊】華懋集團主席龔如心前日病逝，她的一生充滿傳奇，最為人關注的是其丈夫王德輝被綁架案及與家翁王廷歆糾纏多年的爭產官司，最後她戲劇性地反敗為勝。
身體一向差
被問及龔如心的命格是否令她一生充滿傳奇，堪輿學家蘇民峰昨日接受電話訪問表示：「佢今年係有個大關，不過佢一生冇乜落過。佢屬土，43歲前運程普通，由43歲至63歲行20年大運，之後63歲到73歲就行10年衰運。由佢打官司開始就行衰運，佢出生嘅年同月都有土，土多代表佢身體一向差，特別係肺同胃，忙完官司心力交瘁，身體自然仲差。」
蘇民峰續稱，從她的命格所見，她的夫緣比較弱，即是所指的暗夫命。
做事易衝動
而另一位命理師區仲德昨日於電話中指龔如心命格木火比較多，財富容易得到，但為人因火多做事衝動，夫妻緣也薄，加上官星當旺，為人高傲，引致六親緣都比較薄。
麥玲玲昨日則說：「龔如心命格唔算係一啲特別嘅奇命，但佢嘅運勢係一路一路好，佢嘅格局有啲屬於植傷生財福至天來，不過命格中最唔好就出現喺感情，夫妻緣薄。」
麥玲玲還稱，病患者或老人家等碰上清明等這些大節分，特別容易未能平安度過，因而於大時大節前逝世。