胡杏兒噚日接受商台電話訪問，對於有周刊指佢喺北京拍攝《歲月風雲》時患上鬱躁狂食症，搞到暴飲暴食，杏兒話如果唔係佢之前增過肥，相信周刊都唔會咁寫，佢話：「我嘅身形已經回復好耐，仲fit咗㖭，啲報道真係黐線兼無稽。𠵱家我鍾意食乜就食乜，完全唔會反彈。」佢又話緋聞男友黃宗澤事後未有致電安慰。