喺香港經營崇光嘅利福國際（1212），舊年業績相當唔錯，升咗三成七，全因為財富效應，香港人使錢豪爽咗，原來利福自己都一樣，就係大幅勁加人工嘞，最厲害係董事總經理劉鑾鴻（圖），佢嘅人工足足升咗4倍幾！
據利福年報披露，人稱「細劉」嘅劉鑾鴻，總年薪05年只係得263萬，06年已暴升至1428.6萬；雖然，當中有1083.6萬係屬於股份付款（Share-basedpayment），但就算淨計佢嘅薪金同其他福利，都比05年多41個巴仙，加到343.8萬！
細劉係咪值得收咁多，大家睇吓舊年佢有單內幕交易案纏身，最壞嘅結果係唔可以再做利福董事，當時股價長期喺18蚊樓下徘徊，一話冇事，股價即刻升到24蚊。咁若果你係利福股東又點睇呢？
[email protected]