大型國企閒閒哋每年賺過百億，但由於係國有企業，大股東係中央，所以，就算賺多幾多錢，管理層嘅人工都唔可以加得太多，或同國際睇齊。不過，華華發覺，中移動班管理層，舊年竟然大幅加薪，董事長王建宙加44%，年薪差唔多成千萬；三個執董則各加八成，年薪都有700萬。
唔通做國企老總都可以有咁高人工，年薪過千萬？睇真啲，原來係股證作怪。中移動股價舊年好似坐火箭，由30幾蚊升到上80蚊，水漲船高，管理層持有嘅股證自然大幅升值，而股證包埋係董事酬金入面，薪金自然大幅上升。若果唔計呢筆，人工維持05年水平──冇調整。
[email protected]