又寫羅馬里奧？我知看官可能開始對佢衝擊1,000球呢單嘢生厭，但我求大俠見到啲兒戲嘢不吐不快。話說華斯高周三鬥加瑪場巴西盃，前日突然宣布改喺馬拉簡拿球場比賽，即係羅馬里奧望穿秋水要喺嗰度入1,000球個球場。巴西足總話因保安理由至作出改動，計我話擺明有心造就，總之夠晒兒戲。羅馬里奧，唔該快啲啦！