今日，孫柏文將會施展渾身解數，將我當年做石油分析員學到嘅最寶貴一課同大家分享。今晚開始，相信大家都好有可能放幾日假期，以前做分析員嘅時候，我會把握呢啲長假期去充實自己。
而因為充實自己嘅最有效方法，就係多啲體驗、多啲試驗，所以我好希望大家可以將我今日分享嘅經驗，自己去試一試。
今時今日，因為原材料價格持續高企，好多時候做金融業都會被客人問及有關原材料龍頭——石油嘅問題。仲因好多時，客人都會喺有酒飲嘅情況之下問問題，所以就當今日嘅《金手指》文章有一石二鳥之用。
最後，今日孫柏文原先想將題起為「要同朋友劈酒…點算？」不過為咗安撫嗰啲覺得文章一定要有財經角度嘅fan屎，就用咗呢個題。禮拜二再見！
waterinjectionmethod圖解
1.油井中嘅原油，因為本身係從史前動物被地殼壓縮而變成，所以油井本身往往會有足夠壓力將原油射出地面上。油井開採初期，石油開採人員只需要在地下鑽一個洞，原油就會自動標出。
不過久而久之，由於一瓶被搖動過嘅香檳，雖然開瓶時會有大量香檳湧出，不過平復下來之後，就會發覺瓶裏還遺留下大量香檳。油井都係一樣，雖然一個油井可能已經冇原油湧出，不過本身裏面仲有好多石油。平均一個油井只有30%嘅石油，可以只靠油井本身壓力湧出，所以如果冇其他補救方法，就會有70%嘅石油被浪費。
2.為咗開採埋餘下70%嘅石油，石油工程師就會喺油井嘅另一端開多一個洞，然後用管道將水住入油井。咁樣油井裏面嘅壓縮力就可以維持，繼續生產石油。
雖然開採出來嘅原油液體，含水量會慢慢增加，石油越來越稀，不過就可以令一個油井嘅生產壽命延長，原本無可能開採嘅70%石油都可以攞到。呢個將油井recoveryrate推高嘅方法，就係叫做waterinjectionmethod。
3.好多人經過服用大量酒精之後，個胃都會因為身體頂唔順血液中嘅含酒精量，所以出現嘔吐。不過就算胃部啲肌肉，經過扣喉後用龐大嘅壓力，迫啲「嘢」出來，好多時候，就算經過長時間喺馬桶前「拜神」，大家嘅胃部都會餘留啲酸度極高嘅「殘留物」。
而往往就係呢啲「高酸性殘留物」，令到一個人喺服用酒精之後嘅第二日，唔想返工，亦希望有人「殺死佢算」。
4.為咗將胃部餘下嘅「殘留物」迫出來，大家可以喺「嘔無可嘔」嘅情況之下，飲1至1.5公升水落肚。將胃裏面嘅壓縮力提高，將「殘留物」嘔出，啲水又可以將「高酸性殘留物」開稀，將酸度降低，減少嘔吐物損害食管嘅危險。不過因為「入口」、「出口」都係同一條管道，所以「再嘔」應該喺「飲水」之後兩分鐘進行。只要進行兩次，個胃就應該「亁亁淨淨」。最後，為咗補充水份，應該飲第三次水，不過今次唔需要嘔番出來。
金手指網誌：
http://phatdat.blogspot.com